Среда, 6 августа 2025

Бүгін Қазақстан Республикасы ІІМ Бәрімбек Бейсенов атындағы Қарағанды академиясында Қазақстан Республикасы Ішкі істер министрлігі Өзіндік қауіпсіздік департаменті бастығының орынбасары, полиция полковнигі Шүйіншалиев Алтынбек Жапырақұлының қатысуымен тағылымдық кездесу ұйымдастырылды. Кездесу барысында сыбайлас жемқорлықтың алдын алу, лудоманияның құқық қорғау саласындағы қаупі, сондай-ақ қызметтік тәртіп пен жеке жауапкершіліктің маңызы туралы өзекті мәселелер талқыланды. Тың идеялар мен өмірлік мысалдарға толы бұл жүздесу Академия қызметкерлері мен қосымша білім беру факультетінің тыңдаушылары үшін үлкен тәрбие мектебі болды. Тәртіп – табыс кепілі, ал жауапкершілік – сенім негізі екені тағы бір мәрте атап өтілді.