Пятница, 19 сентября 2025

Қазақстан Республикасы ІІМ Бәрімбек Бейсенов атындағы Қарағанды академиясына академиялық ұтқырлық бағдарламасы аясында келген Өзбекстан мен Қырғызстан ведомстволық оқу орындарының курсанттары Теміртау қаласында орналасқан Тұңғыш Президенттің тарихи-мәдени орталығына барды.

Курсанттар бұл сапар барысында ел тарихымен, егемендіктің алғашқы қадамдарымен және мәдени мұрамызбен жақынырақ танысу мүмкіндігіне ие болды. Олар Қазақстанның дамуы жолындағы маңызды кезеңдерге куә болып, тарихи оқиғалардың мән-мағынасын тереңірек түсінді. Бұл кездесу курсанттардың білімдерін кеңейтіп, олардың мәдени және тарихи санасын арттыруға бағытталған маңызды шаралардың бірі болды.