Среда, 27 августа 2025

27 тамыз күні Қазақстан Республикасы ІІМ Бәрімбек Бейсенов атындағы Қарағанды академиясы жалпы заң пәндері кафедрасы ұйымдастырған «Конституция — адам құқықтары мен бостандықтарының кепілі» тақырыбында арнайы даярлық сабағы өтті. Бұл іс-шара академия қызметкерлеріне арналды және оның аясында Қазақстан Республикасының Конституциясының 30 жылдығына арналған бейнебаян көрсетілді.

Сабақ барысында қатысушыларға Конституцияның негізгі қағидаттары мен оның адам құқықтары мен бостандықтарын қамтамасыз етудегі рөлі туралы толық ақпарат берілді. Сонымен қатар, Қазақстан Республикасының Конституциясы қабылданғаннан бері өткен кезеңдегі жетістіктер мен өзгерістер талқыланды.

Академия қызметкерлері Конституцияның қоғамдағы тұрақтылық пен құқықтық тәртіпті қамтамасыз етудегі маңыздылығын атап өтті. Сабақ соңында қатысушылар өз пікірлерімен бөлісіп, Конституцияның болашақтағы рөлі мен оның одан әрі дамуы туралы ойларын ортаға салды.