Понедельник, 21 июля 2025

Ағымдағы жылдың 18-19 шілдесінде Қазақстан Республикасы ІІМ Бәрімбек Бейсенов атындағы Қарағанды академиясының 4-курсқа ауысатын курсанттарымен кешенді жедел-тактикалық оқу-жаттығулар өткізілді. Бұл шара әскери және арнайы-тактикалық даярлық кафедрасының оқытушыларының ұйымдастыруымен, Қарағанды облысының полиция Департаменті ЖҚАЖ қызметкерлері және ТЖМ Апаттар медицинасы орталығы қызметкерлерімен бірлесе отырып жүзеге асырылды. Сабақ барысында аталған ұжымдардың қызметкерлері өздерінің бай тәжірибесімен бөлісті. Курсанттар өздерінің тактикалық шеберлігін шыңдап, дәрігерге дейінгі көмек көрсету білімдерін арттыруға мүмкіндік алды. Бұл тәжірибелік сабақтар курсанттардың кәсіби дайындығын жетілдіруге және олардың болашақ қызметтеріне қажетті дағдыларды дамытуға бағытталған.