Пятница, 19 сентября 2025

Қазақстан Республикасы ІІМ Бәрімбек Бейсенов атындағы Қарағанды академиясына келген Өзбекстан мен Қырғызстан ведомстволық оқу орындарының курсанттары еліміздің елордасы – Астана қаласына сапар жасады.

Курсанттар сапар барысында Астананың көрнекті орындарын аралап, рухани және мәдени байлықтарымен танысты. Олар алдымен қаланың көрікті жерлерінің бірі – Бәйтерек монументіне көтеріліп, қаланың әсем көрінісін тамашалады. Бұл биіктіктен Астананың заманауи сәулеті мен табиғи сұлулығы ерекше көрінеді.

Сонымен қатар, курсанттар Қазақстанның бай тарихы мен мәдениетінен сыр шертетін Ұлттық музейге барды. Мұнда олар еліміздің тарихи жәдігерлерімен, мәдени мұраларымен танысып, Қазақстанның өткені мен бүгіні туралы мол мағлұмат алды.

Сапар барысында жастар Астананың ең үлкен мешіттерінің біріне барып, рухани тыныштық пен әсер алды. Бұл мешіттің архитектурасы мен ішкі көрінісі курсанттарға ерекше әсер қалдырды.

Бұл тағылымды саяхат курсанттарға жаңа білім мен рухани әсер сыйлап қана қоймай, бауырлас елдер арасындағы достықты одан әрі нығайтуға ықпал етті. Қазақстан Республикасы ІІМ Бәрімбек Бейсенов атындағы Қарағанды академиясы осындай халықаралық байланыстарды нығайтуға бағытталған іс-шараларды жалғастыруда.