Четверг, 17 июля 2025

2025 жылғы 17 шілдеде «Әділдік жолы» пилоттық жобасы аясында Қазақстан Республикасы ІІМ Бәрімбек Бейсенов атындағы Қарағанды академиясының тәрбие жұмысы бөлімі дене даярлығы кафедрасының оқытушылары, кадр жұмысы бөлімінің аға инспектор-психологы, полиция майоры А.С. Епишко және курсанттар бірлесіп, өзін-өзі қорғау дағдылары мен зорлық-зомбылық құрбандарына психологиялық қолдау көрсетуге бағытталған тренингтер ұйымдастырды. Бұл тренингтер барысында қатысушылар зорлық-зомбылық жағдайларына тиімді әрекет етуге және өзін физикалық әрі эмоционалдық тұрғыда қорғауға мүмкіндік беретін маңызды білім мен тәжірибелік дағдыларды игерді. Дене даярлығы кафедрасының оқытушылары есте сақтауға және қажет жағдайда қолдануға оңай өзін-өзі қорғаудың негізгі тәсілдерін көрсетті. Аталған іс-шара қоғамда зорлық-зомбылықты қабылдамау мәдениетін қалыптастыруға және жәбірленушілерге жан-жақты қолдау көрсетуге дайын құқық қорғау органдарына деген сенімді нығайтуға елеулі үлес қосты. Тренингтердің сәтті өтуі – өзін-өзі қорғау дағдыларын үйрету мен психологиялық көмекті ұштастыра отырып, зорлық-зомбылық мәселесін кешенді түрде шешудің тиімділігін көрсетеді.