Пятница, 25 июля 2025

Қазақстан Республикасы ІІМ Бәрімбек Бейсенов атындағы Қарағанды академиясының бастығы, полиция полковнигі Нұрлан Биекенов жеңілдік санатына жататын талапкерлермен кездесу ұйымдастырды. Бұл кездесуге «Алтын белгі» иегерлері, ҰБТ-дан 100-ден жоғары балл жинағандар, Ұлттық ұлан қатарында әскери қызмет өткерген үміткерлер, сондай-ақ қызметтік борышын өтеу кезінде қаза тапқан қызметкерлердің балалары мен жұбайлары қатысты. Академия басшысы оларды іріктеу кезеңдерінен сәтті өткенімен құттықтап, әрбір талапкердің жетістігінде ата-ананың еңбегі зор екенін атап өтті. Ол өз сөзінде балаларын білімге, мақсатқа ұмтылуға баулып, үлкен өмірге жол сілтеген ата-аналарға шынайы алғысын білдіріп, жас буынның қалыптасуына олардың қамқорлығы мен мейірімді тәрбиесі үлкен үлес қосатынын ерекше атап өтті.