Среда, 30 июля 2025

Қазақстан Республикасы ІІМ Бәрімбек Бейсенов атындағы Қарағанды академиясының 2005 жылғы түлектері оқу ордасынан түлеп ұшқандарына 20 жыл толуына орай Академия қабырғасына арнайы келді. Бұл кездесуде курстастар бір-бірімен қайта қауышып, жастық шақтағы жарқын сәттер мен оқу жылдарындағы қызықты естеліктерін тебірене еске алды. Түлектер оқу орнын аралап, оның қазіргі тыныс-тіршілігімен, жеткен жетістіктерімен және материалдық-техникалық базасындағы оң өзгерістермен танысты. Мұндай кездесулер жас ұрпаққа тағылым боларлық өнеге ғана емес, офицерлік рух пен ұрпақтар сабақтастығының нақты көрінісі болып табылады.