Среда, 30 июля 2025

Қазақстан Республикасы ІІМ Бәрімбек Бейсенов атындағы Қарағанды академиясының кәсіби даярлық факультетінің 2-курс курсанты, полиция кіші сержанты М.А. Омаров 2025 жылғы 16 маусым мен 24 шілде аралығында АҚШ-тың Невада штаты Рено қаласындағы университетте өткен заң үстемдігі және мемлекеттік қызмет мәселелеріне арналған Джон Маккейн атындағы студенттер мен жас көшбасшыларға арналған бес апталық оқу бағдарламасына қатысты. Бұл «SUSI McCain – 2025» халықаралық оқу бағдарламасына Оңтүстік Корея, Замбия, Босния және Герцеговина, Шри-Ланка, Малайзия, Үндістан және басқа да елдерден делегациялар қатысты. Бағдарлама қорытындысында қатысушыларға арнайы сертификаттар табысталды.