Четверг, 14 августа 2025

2025 жылғы 14 тамызда Қазақстан Республикасы ІІМ Бәрімбек Бейсенов атындағы Қарағанды академиясы Біріккен Ұлттар Ұйымының Балалар қоры (ЮНИСЕФ) делегациясын қабылдады. Делегация құрамында балаларды қорғау бағдарламаларының үйлестірушісі Азамат Жаманчинов, бағдарлама маманы Гүлмира Қойсоймасова және балаларды қорғау жөніндегі ұлттық маман Құндыз Турабай болды. Сапардың мақсаты – Қазақстан Республикасы Ішкі істер министрлігі мен ЮНИСЕФ арасындағы 2025–2026 жылдарға арналған бірлескен жұмыс жоспарын жүзеге асыру аясында ынтымақтастықтың негізгі бағыттары мен механизмдерін талқылау және келісу. Кездесу барысында тараптар бірлескен қызметтің басым бағыттарын анықтап, іс-шараларды жүзеге асырудың ұйымдастырушылық және техникалық аспектілерін, сондай-ақ балалардың онлайн-қауіпсіздігі мәселелері бойынша құқық қорғау органдары қызметкерлерін даярлаудың тұрақты жүйесін қалыптастыруға қатысты тәсілдерді талқылады.